India vs Sri Lanka 3rd ODI: भारत विरुद्ध श्रीलंका संघात तिसरा वनडे सामना बुधवारी खेळला जात आहे. कोलंबोला झालेल्या सामन्यात श्रीलंकेने भारतासमोर विजयासाठी २४९ धावांचे लक्ष्य ठेवले आहे.
या सामन्यात श्रीलंकेने प्रथम फलंदाजी करताना ५० षटकात ७ बाद २४८ धावा केल्या आहेत. या सामन्यात श्रीलंकेच्या अविष्का फर्नांडोचं शतक ४ धावांनी थोडक्यात हुकले, तर भारताकडून पदार्पण करणारा रियान परागही चमकला.
श्रीलंकेने नाणेफेक जिंकून प्रथम फलंदाजी करण्याचा निर्णय घेतला होता. त्यांच्याकडून पाथम निसंका आणि अविष्का फर्नांडो सलामीला फलंदाजीला आले होते. त्यांनी दमदार सुरुवात केली. त्यांनी संयमी फलंदाजी करताना पहिल्या १९ षटकात भारताला मोठे यश मिळवून दिले नाही. त्यांनी सलामीला ८९ धावांची भागीदारी केली.
पण अखेर अक्षर पटेलने भारताला २० व्या षटकात ब्रेकथ्रू मिळवून दिला. त्याने निसंकाला ४५ धावांवर बाद केले. पण त्यानंतरही फर्नांडोला कुशल मेंडिसने चांगली साथ दिली. त्यांच्या जोडीनेही अर्धशतकी भागीदारी केली. त्यामुळे श्रीलंकेने १७० धावा सहज पार केले होते.
पण यावेळी कर्णधार रोहित शर्माने परागकडे चेंडू सोपवला. त्यानेही हा विश्वास कायम राखताना ३६ व्या षटकात फर्नांडोला पायचीत केले. त्यांमुळे फर्नांडोचं शतक थोडक्यात हुकले. तो १०२ चेंडूत ९६ धावा करून बाद झाला.
यानंतर परागने ३८ व्या षटकात श्रीलंकेचा कर्णधार चरिथ असलंकालाही १० धावांवर पायचीत पकडले. त्याच्या पुढच्याच षटकात सदिरा समरविक्रमाला मोहम्मद सिराजने पायचीत केले. त्याला आधी पंचांनी नाबाद दिले होते. परंतु, डीआरएसमध्ये तो बाद असल्याचे दिसून आले.
यानंतर जनिथ लियानागे (८) आणि दुनिथ वेल्लालागे (२)यांच्या विकेट्स श्रीलंकेने झटपट गमावल्या. पण नंतर कामिंडू मेंडिसने कुशल मेंडिसला चांगली साथ दिली होती. कुशलने अर्धशतकही पूर्ण केले.
मात्र त्याला ४९ व्या षटकात कुलदीप यादवने शुभमन गिलच्या हातून झेलबाद केले. कुशल मेंडिसने ८२ चेंडूत ५९ धावांची खेळी केली. अखेरीस कामिंडू मेंडिसने डाव सांभाळत श्रीलंकेला २४८ धावांपर्यंत पोहचवले. तो २३ धावांवर नाबाद राहिला.
भारताकडून गोलंदाजी करताना रियान परागने सर्वाधिक ३ विकेट्स घेतल्या, तर मोहम्मद सिराज, अक्षर पटेल, वॉशिंग्टन सुंदर आणि कुलदीप यादव यांनी प्रत्येकी १ विकेट घेतली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
