India vs Zimbabwe 2nd T20 : झिम्बाब्वेविरुद्धच्या पहिल्या टी-20 आंतरराष्ट्रीय सामन्यात भारतीय संघाला 13 धावांनी पराभव स्वीकारावा लागला. त्यामुळे भारताने दुसऱ्या सामन्यात झिम्बाब्वेविरुद्ध प्लेइंग-11मध्ये मोठा बदल केला आहे. या सामन्यात कर्णधार गिलने नाणेफेक जिंकून फलंदाजीचा निर्णय घेतला.
या सामन्यासाठी भारताने आपल्या फलंदाजी अकरामध्ये फक्त एक बदल केला आणि साई सुदर्शनला संधी मिळाली. आणि साईने टी-20 मध्ये भारतासाठी पदार्पण केले तर वेगवान गोलंदाज खलील अहमदला संघातून वगळण्यात आले. खलीलने 5 वर्षांनंतर टी-20I मध्ये पुनरागमन केले, परंतु त्याच्या खराब कामगिरीमुळे त्याला फक्त एका सामन्यानंतर दार दाखवण्यात आले.
साई सुदर्शनने दुसऱ्या टी-20 सामन्याद्वारे क्रिकेटच्या सर्वात लहान फॉरमॅटमध्ये पदार्पण केले. साईने यापूर्वी भारतासाठी 3 एकदिवसीय सामने खेळले असून त्याच्या नावावर 127 धावा आहेत. साईचा वनडेतील सर्वोत्तम धावसंख्या 62 धावा आणि दोन अर्धशतके त्याच्या नावावर आहेत. पहिल्या सामन्यात भारताच्या खराब फलंदाजीमुळे, टीम इंडियाची फलंदाजी अधिक मजबूत करण्यासाठी साईला संधी देण्यात आली.
दुसऱ्या सामन्यासाठी भारताची प्लेईंग इलेव्हन - शुभमन गिल (कर्णधार), अभिषेक शर्मा, ऋतुराज गायकवाड, साई सुदर्शन, रियान पराग, रिंकू सिंग, ध्रुव जुरेल (यष्टीरक्षक), वॉशिंग्टन सुंदर, रवी बिश्नोई, आवेश खान, मुकेश कुमार.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
