India vs New Zealand 3rd Test: भारतीय संघ मुंबई कसोटीत न्यूझीलंडविरुद्ध वरचढ ठरेल असं वाटत होतं. मात्र रविवारी भारतीय संघाचीही फलंदाजी गडगडल्याचे दिसून आले. वानखेडे स्टेडियमवर भारत आणि न्यूझीलंड संघात तिसरा कसोटी सामना सुरू आहे.
या सामन्याच्या तिसऱ्या दिवशी भारतीय संघ चांगलाच अडचणीत सापडला आहे. भारतावर आता व्हाईटवॉशचं संकटही घोंगावत आहे.
भारताने तिसऱ्या दिवसाच्या सुरुवातीला न्यूझीलंडचा दुसरा डाव १७४ धावांवर संपवला. रविंद्र जडेजाने दुसऱ्या डावातही ५ विकेट्स घेत सामन्यातील १० विकेट्स पूर्ण केल्या. दरम्यान भारताने पहिल्या डावात २८ धावांची आघाडी घेतलेली असल्याने भारतासमोर विजयासाठी १४७ धावांचे लक्ष्य ठेवण्यात आले.
