India A vs Australia A unofficial Test: ऑस्ट्रेलिया दौऱ्यावर गेलेल्या भारतीय अ संघाने पहिला सामना पराभूत झाल्यानंतर मेलबर्नमध्ये झालेल्या दुसऱ्या चार दिवसीय सामन्यात चांगली झुंज दिली.
मात्र असं असतानाही दुसऱ्या चार दिवसीय सामन्यातही ऑस्ट्रेलिया अ संघाने भारतीय अ संघाला ६ विकेट्सने पराभूत केले. पहिल्या सामन्यातही ऑस्ट्रेलिया अ संघाने मॅकेमध्ये ७ विकेट्सने विजय मिळवला होता.
त्यानंतर दुसऱ्या सामन्यात आता तिसऱ्याच दिवशी भारताला पराभवाचा धक्का बसला. दुसऱ्या सामन्यात यष्टीरक्षक फलंदाज ध्रुव जुरेल आणि गोलंदाजीत प्रसिद्ध कृष्णा चमकला. मात्र त्यांचे प्रयत्न भारताला विजय मिळवून देण्यास पुरेसे ठरले नाहीत.
पण या दोघांच्या कामगिरीने भारतीय संघाला दिलासा मिळाला असेल. कारण आगामी ऑस्ट्रेलिया दौऱ्यातील कसोटी मालिकांसाठी या दोघांचाही समावेश भारतीय संघात आहेय.
