India vs Australia Test : जसप्रीत बुमराहच्या नेतृत्वाखाली भारतीय संघाने पर्थ कसोटीत दणदणीत विजय मिळवला. घरच्या मैदानावर न्यूझीलंडकडून झालेल्या लाजीरवाण्या पराभवानंतर टीम इंडियाकडून असे कमबॅक अपेक्षित नव्हते. पण, जसप्रीतच्या कल्पक नेतृत्वाने ते यशस्वी करून दाखवले. आपल्या क्षमतेवर विश्वास ठेवा, हे जसप्रीतने स्वतःचेच वाक्य प्रत्यक्षात उतरवले. भारत-ऑस्ट्रेलिया यांच्यातला दुसरा कसोटी सामना ६ डिसेंबरला एडिलेडवर होणार आहे. पण, पर्थ कसोटीतील निकालानंतर मुख्य प्रशिक्षक गौतम गंभीर ( Gautam Gambhir) तातडीने मायदेशात परतणार आहे.