Rohit Sharma: थांबायचं नाय गड्या...! हिटमॅनने क्रिकेटमधून निवृत्तीबाबत दिले मोठे संकेत

Rohit Sharma News: भारतीय क्रिकेट संघाने जूनच्या अखेरीस टी२० वर्ल्ड कप २०२४ स्पर्धा रोहित शर्माच्या नेतृत्वाखाली जिंकली. या विजेतेपदानंतर कर्णधार रोहित शर्माने आंतरराष्ट्रीय टी२० क्रिकेटमधून निवृत्त झाला आहे.

पण असे असले तरी त्याने वनडे आणि कसोटीत खेळणे कायम करणार असल्याचे सांगितले होते. पण अनेकांना असा प्रश्न पडला की तो नजीकच्या काळात वनडे आणि कसोटीतूनही निवृत्त होणार का? पण अद्याप तरी त्याची अशी काही योजना नसल्याचे त्याने सांगितले असून त्याला आणखी यश मिळवायचे असल्याचेही त्याने सांगितले आहे.

स्टार स्पोर्ट्सने नुकताच एक व्हिडिओ शेअर केला आहे. हा व्हिडिओ काही दिवसांपूर्वी झालेल्या CEAT पुरस्कार सोहळ्यादरम्यानचा आहे. या व्हिडिओमध्ये रोहित म्हणत आहे की त्याला आता थांबायचे नाहीये.