Archery World Cup Final: मेक्सिकोमध्ये नुकतेच तिरंदाजी वर्ल्ड कप फायनल पार पडली. या स्पर्धेत भारताची दिग्गज तिरंदाज दीपिका कुमारीने चमकदार कामगिरी केली आहे. तिने या स्पर्धेत रौप्य पदकाला गवसणी घातली. हे तिचे तिरंदाजी वर्ल्ड कप फायनलमधील कारकिर्दीतील एकूण सहावे पदक ठरले आहे.
तिला रविवारी (२० ऑक्टोबर) अंतिम सामन्यात चीनच्या ली जियामनने ६-० अशा फरकाने पराभूत केले. त्यामुळे दीपिकाला सुवर्णपदकाला गवसणी घालता आली नाही, पण तिने रौप्य पदक नावावर केले. ली जियामनने पहिल्यांदाच या स्पर्धेत सहभाग घेतलेला आणि तिने पहिल्या प्रयत्नात सुवर्णपदकाला गवसणी घातली आहे.
