सबस्क्राईब करा
India vs New Zealand 2nd Test at Pune: भारतीय क्रिकेट संघाला न्यूझीलंडविरुद्ध शनिवारी कसोटी मालिकेतील दुसऱ्या सामन्यात ११३ धावांनी पराभवाचा सामना करावा लागला. पुण्यातील महाराष्ट्र क्रिकेट असोसिएशन स्टेडियमवर झालेल्या या सामन्यातील विजयासह न्यूझीलंडने मालिकाही खिशात घातली आहे.
न्यूझीलंडने या मालिकेतील पहिला सामनाही जिंकला होता, आता दुसरा सामना जिंकल्याने त्यांचा मालिकेतील विजय निश्चित झाला आहे. त्यामुळे आता न्यूझीलंडला वानखेडे स्टेडियमवर होणाऱ्या तिसऱ्या कसोटी सामन्यात भारताला व्हाईटवॉश देण्याची संधी असणार आहे, तर भारताला प्रतिष्ठा राखण्याचे आव्हान असेल.
दरम्यान, न्यूझीलंडने पुण्यात विजय मिळल्याने भारताचा मायदेशातील कसोटी मालिकेचा विजयीरथ तब्बल ४३३१ दिवसांनी रोखला. भारतीय संघ तब्बल १२ वर्षांनी आणि १८ कसोटी मालिकांनंतर पराभूत झाला आहे.
