India vs Zimbabwe, 3rd T20I: झिम्बाव्वे विरुद्ध भारत यांच्यात बुधवारी टी२० मालिकेतील तिसरा सामना बुधवारी हरारे येथे खेळला जात आहे. या सामन्यात भारताने प्रथम फलंदाजी करताना २० षटकात ४ बाद १८२ धावा केल्या. त्यामुळे विजयासाठी झिम्बाब्वेसमोर विजयासाठी १८३ धावांचे लक्ष्य असणार आहे.
भारताकडून कर्णधार शुभमन गिलने अर्धशतकी खेळी केली आहे. ऋतुराज गायकवाडनेही चांगली फटकेबाजी केली.
या सामन्यात भारतीय संघाने नाणेफेक जिंकून प्रथम फलंदाजी करण्याचा निर्णय घेतला होता. त्यानंतर यशस्वी जयस्वाल आणि शुभमन गिल यांनी सलामीला फलंदाजी करताना आक्रमक सुरुवात केली. त्यांनी सुरुवातीला जवळपास १० च्या धावगतीने धावा जमवल्या होत्या. मात्र ६७ धावांच्या भागीदारीनंतर ९ व्या षटकात जयस्वाल २७ चेंडूत ३६ धावा करून बाद झाला.
त्यानंतर दुसऱ्या सामन्यातील शतकवीर अभिषेक शर्माही १० धावांवर स्वस्तात बाद झाला. मात्र, पहिल्या दोन्ही सामन्यात मोठ्या धावा करण्यात अपयशी ठरलेल्या शुभमन गिलला या सामन्यात सूर सापडलेला दिसला.
त्याने ऋतुराज गायकवाडला साथीला घेतले. या दोघांनीही आक्रमक खेळ करत ७२ धावांची भागादारी केली. गिलने यादरम्यान त्याचे अर्धशतकही पूर्ण केले. अखेर त्यांची जोडी ब्लेसिंग मुझराबनीने तोडली. त्याने गिलला ४९ चेंडूत ६६ धावांची खेळी केली. यामध्ये ७ चौकार आणि ३ षटकार मारले.
त्यानंतर ऋतुराजने जबाबदारी आपल्या खांद्यावर घेतली. त्यानेही फटकेबाजी केली पण त्याला अर्धशतकासाठी एक धावेची गरज असताना तो बाद झाला. त्याने २८ चेंडूत ४ चौकार आणि ३ षटकारांसह ४९ धावांची खेळी केली. अखेरीस संजू सॅमसन १२ धावांवर नाबाद राहिला.
झिम्बाब्वेकडून ब्लेसिंग मुझराबनी आणि कर्णधार सिकंदर रझा यांनी प्रत्येकी २ विकेट्स घेतल्या.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
