U19 India Team: १९ वर्षांखालील भारतीय संघ आता ५० षटकांचा आशिया चषक खेळताना दिसणार आहे. संयुक्त अरब अमिराती (UAE) येथे २९ नोव्हेंबरपासून १९ वर्षांखालील आशिया चषक खेळला जाणार आहे.
या स्पर्धेसाठी १५ जणांचा भारतीय संघ बीसीसीआयने बुधवारी घोषित केला आहे. बीसीसीआयने १५ जणांच्या संघाबरोबरच ५ खेळाडूंची राखीव म्हणूनही निवड केली आहे. १९ वर्षांखालील भारत या स्पर्धेतील सर्वात यशस्वी संघ आहे आणि त्यांनी आठ वेळा स्पर्धा जिंकली आहे.
