South Africa vs India T20I Series: भारतीय कसोटी संघाला नुकतेच रविवारी (३ नोव्हेंबर) न्यूझीलंडविरुद्ध कसोटी मालिकेत ३-० अशा लाजीरवाण्या पराभवाला सामोरे जावे लागले. हा पराभव होत असतानाच भारताचा टी२० संघ दक्षिण आफ्रिकेला रवाना झाला आहे.
दक्षिण आफ्रिका दौऱ्यात भारतीय संघाला सूर्यकुमार यादवच्या नेतृत्वात ४ सामन्यांची टी२० मालिका खेळायची आहे. या मालिकेसाठी भारतीय संघ डर्बन येथे पोहचला असून बीसीसीआयने त्याचा व्हिडिओही शेअर केला आहे.
या व्हिडिओमध्ये दिसते की भारतातून दक्षिण आफ्रिकेला जात असतानाच्या प्रवासात भारतीय खेळाडू एकमेकांसोबत मस्ती करत आहेत. त्याचबरोबर हे खेळाडू एकमेकांना दक्षिण आफ्रिका देशाबद्दल सामन्य ज्ञानाचे (General Knowledge) चूक की बरोबर असे प्रश्न विचारत आहेत.
