India vs Australia Test Series: भारतीय संघाला घरच्या मैदानावर कसोटी मालिकेत प्रथमच व्हाईट वॉश पत्करावा लागला. न्यूझीलंडच्या ३-० अशा विजयाने भारताचे जागतिक कसोटी अजिंक्यपद स्पर्धेच्या अंतिम सामन्यात खेळण्याच्या स्वप्नांना मोठा धक्का बसला आहे. आता भारताला WTC Final साठी ऑस्ट्रेलियाविरुद्ध ४-० असा विजय मिळवावा लागेल नाहीतर अन्य संघांच्या कामगिरीवर अवलंबून रहावे लागेल. भारताचे महान फलंदाज सुनील गावस्कर यांनी ४-० असा विजय शक्य नसल्याचा दावा केला होता. त्यात आता ऑस्ट्रेलियाचा माजी कर्णधार रिकी पाँटिंग याने ही मालिका यजमान जिंकेल, अशी भविष्यवाणी केली आहे.