IND vs BAN: टीम इंडियाकडून दोन युवा खेळाडूंचं पदार्पण, जाणून घ्या पहिल्या T20I साठी 'प्लेइंग-११'

India vs Bangladesh, 1st T20I: भारत विरुद्ध बांगलादेश संघात रविवारपासून (६ ऑक्टोबर) तीन सामन्यांच्या टी२० मालिकेला सुरुवात झाली आहे. ग्वाल्हेरला होत असलेल्या पहिल्या सामन्यात भारताचा कर्णधार सूर्यकुमार यादवने नाणेफेक जिंकली असून प्रथम गोलंदाजी करण्याचा निर्णय घेतला आहे.

भारताकडून या सामन्यासाठी नितीश कुमार रेड्डी आणि मयंक यादव यांना प्लेइंग इलेव्हनमध्ये संधी देण्यात आली आहे. त्यामुळे अष्टपैलू नितीश कुमार आणि वेगवान गोलंदाज असलेला मयंक या सामन्यातून आंतरराष्ट्रीय पदार्पण करणार आहेत.

ते आंतरराष्ट्रीय टी२० क्रिकेटमध्ये पदार्पण करणारे ११६ आणि ११७ वे खेळाडू ठरल आहेत. या दोघांनीही आयपीएल २०२४ मध्ये प्रभावी कामगिरी केली होती. मयंकने सातत्याने ताशी १५० किमी वेगाने चेंडू टाकत सर्वांचे लक्ष वेधले होते. तसेच नितीशकडे आक्रमक खेळण्याबरोबरच गरज असेल, तर गोलंदाजी करण्याची क्षमताही आहे.

नितीशने आत्तापर्यंत २० टी२० सामने खेळले आहेत. यामध्ये त्याने ३९५ धावा केल्या आहेत, ज्याच २ अर्धशतकांचा समावेश आहे. तसेच त्याने ३ विकेट्स घेतल्या आहेत. तसेच मयंकने १४ टी२० सामने आत्तापर्यंत खेळले असून १९ विकेट्स घेतल्या आहेत.

तसेच या सामन्यासाठी भारताच्या प्लेइंग इलेव्हनमध्ये तिलक वर्मा, रवी बिश्नोई, हर्षित राणा आणि जितेश शर्मा यांना संधी मिळालेली नाही. पण संघात सूर्यकुमारसह हार्दिक पांड्या, संजू सॅमसन, वॉशिंग्टन सुंदर, अर्शदीप सिंग, रिंकू सिंग असे अनुभव असलेले खेळाडू आहेत.

बांगलादेशने या सामन्यासाठी प्लेइंग इलेव्हनमध्ये तीन वेगवान गोलंदाज आणि दोन फिरकीपटू असं संमिश्रण ठेवलं आहे.

भारत आणि बांगलादेश संघात आत्तापर्यंत १४ आंतरराष्ट्रीय टी२० सामने खेळवण्यात आले आहेत. यातील १३ सामन्यात भारताने आणि एका सामन्यात बांगलादेशने नाणेफेक जिंकली आहे.

असे आहेत प्लेइंग इलेव्हन -

भारत: अभिषेक शर्मा, संजू सॅमसन (यष्टीरक्षक), सूर्यकुमार यादव (कर्णधार), नितीश रेड्डी, हार्दिक पांड्या, रियान पराग, रिंकू सिंग, वॉशिंग्टन सुंदर, वरुण चक्रवर्ती, अर्शदीप सिंग, मयंक यादव

बांगलादेश: लिटन दास (यष्टीरक्षक), नजमुल हुसेन शांतो (कर्णधार), परवेझ हुसैन इमॉन, तौहीद ह्रदोय, महमुदुल्ला, जाकेर अली, मेहिदी हसन मिराझ, रिशाद हुसेन, तस्किन अहमद, मुस्तफिजुर रहमान, शरीफुल इस्लाम