India vs New Zealand 3rd Test : भारत विरुद्ध न्यूझीलंड क्रिकेट संघात नुकतीच कसोटी मालिका संपली. या मालिकेत भारतीय संघाला तिन्ही कसोटी सामन्यात न्यूझीलंडकडून पराभवाचा सामना करावा लागला.
रविवारी मु्ंबईतील वानखेडे स्टेडियमवर भारताला २५ धावांनी पराभवाचा सामना करावा लागला. त्यामुळे पहिल्यांदाच भारताला मायदेशात तीन सामन्यांच्या मालिकेत ३-० असा पराभूत झाला.
दरम्यान, आता या सामन्यानंतर अशी चर्चा सुरू झाली आहे की हा सामना कदाचित काही स्टार भारतीय खेळाडूंचा मायदेशातील अखेरचा कसोटी सामना असू शकतो. यामध्ये भारताचा कर्णधार रोहित शर्मा, विराट कोहली, आर अश्विन आणि रविंद्र जडेजा यांचा समावेश आहे.
या संपूर्ण कसोटी मालिकेत भारताचे अनुभवी फलंदाज रोहित शर्मा आणि विराट कोहली यांची बॅट फार तळपू शकली नाही. तसेच अनुभवी गोलंदाज आर अश्विनही या मालिकेत फारशी चमकदार कामगिरी करू शकला नाही.
