Wankhede Stadium pitch for IND vs NZ 3rd Test : न्यूझीलंडने दमदार कामगिरी करून भारताला घरच्या मैदानावर कसोटी मालिकेत पराभवाचा धक्का दिला. बंगळुरू कसोटीत टॉस जिंकूनही रोहित शर्माने प्रथम फलंदाजी करण्याचा घेतलेला निर्णय टीम इंडियाच्या अंगलट आला. त्यानंतर पुणे कसोटीत फिरकीचे जाळे विणले गेले, परंतु त्यात टीम इंडिया स्वतःच अडकली. मिचेल सँटनरने १३ विकेट्स घेऊन न्यूझीलंडला ऐतिहासिक कसोटी मालिका विजय मिळवून दिला. आता किवींनी रोखण्यासाठी नेमकं काय करावं, हेच टीम इंडियाला सुचेनासे झालेय. त्यात मालिकेत ३-० अशा पराभवाचे सावट आहेच. त्यामुळे १ नोव्हेंबरपासून वानखेडे स्टेडियमवर सुरू होणाऱ्या तिसऱ्या कसोटीची खेळपट्टी कशी असेल याची सर्वांना उत्सुकता आहे.