India vs New Zealand 2nd Test: पुण्यातील महाराष्ट्र क्रिकेट असोसिएशन स्टेडियमवर भारत विरुद्ध न्यूझीलंड संघात कसोटी मालिकेतील दुसरा सामना सुरू आहे. या सामन्यासाठी भारताच्या प्लेइंग इलेव्हनमध्ये तीन मोठे बदल करण्यात आले.
मोहम्मद सिराज, केएल राहुल आणि कुलदीप यादव यांना भारताच्या प्लेइंग इलेव्हनधून बाहेर करण्यात आले. त्यांच्याजागेवर आकाश दीप, वॉशिंग्टन सुंदर आणि शुभमन गिल यांना प्लेइंग इलेव्हनमध्ये संधी देण्यात आली.
दरम्यान, यातील केएल राहुलला प्लेइंग इलेव्हनमधून बाहेर केले जाईल याबाबत गेल्या अनेक दिवसांपासूनच चर्चा होती. केएल राहुलची कामगिरी गेल्या काही दिवसात चांगली झाली नव्हती. बंगळुरूला झालेल्या पहिल्या कसोटी सामन्यातही त्याने ० आणि १२ धावा केल्या होत्या.
