सेंच्युरियन, ता. १२ : सूर्यकुमार यादवच्या नेतृत्वात भारतीय संघाने सलग ११ टी-२० सामने जिंकत आपले वर्चस्व प्रस्थापित केले; मात्र रविवारी झालेल्या टी-२० लढतीत यजमान दक्षिण आफ्रिकन संघाने रोमहर्षक विजय संपादन करीत टीम इंडियाची विजयी मालिका खंडित केली. फलंदाजांना आलेले अपयश या पराभवाचे कारण ठरले. आता दोन देशांमध्ये तिसरा टी-२० सामना आज रंगणार आहे. याप्रसंगी भारतीय फलंदाजांचा कस लागणार हे निश्चित आहे.