South Africa vs India 3rd T20I: भारत आणि दक्षिण आफ्रिका यांच्यात टी२० मालिका सध्या रोमांचक वळणावर आहे. चार सामन्यांच्या या टी२० मालिकेत पहिल्या दोन सामन्यांनंतर १-१ अशी बरोबरी झाली आहे. आता तिसरा सामना बुधवारी (१३ नोव्हेंबर) सेंच्युरियनमधील सुपरस्पोर्ट पार्क स्टेडियममध्ये खेळवला जाणार आहे.
या सामन्यात दक्षिण आफ्रिका संघाचा कर्णधार एडेन मार्करमने नाणेफेक जिंकून प्रथम गोलंदाजी करण्याचा निर्णय घेतला आहे. विशेष म्हणजे या मालिकेतील पहिल्या तिन्ही सामन्यात मार्करमने नाणेफेक जिंकली आहे.
