India vs Sri Lanka 1st T20I Captain Suryakumar Yadav - भारत आणि श्रीलंका यांच्यातील ट्वेंटी-२० मालिकेतील पहिला सामना आज पल्लेकेले येथे होणार आहे. भारताच्या ट्वेंटी-२० संघाचा नवा कर्णधार म्हणून सूर्यकुमार यादव मैदानावर उतरणार आहे. त्याचवेळी भारतीय संघ प्रशिक्षक गंभीरच्या नेतृत्वाखाली नवीन पर्वाच्या सुरुवातीला सज्ज झाला आहे. भारतीय संघ श्रीलंकेविरुद्ध तीन ट्वेंटी-२० सामने खेळणार आहे. या मालिकेत कर्णधार सूर्यकुमार यादवला खास विक्रम करण्याची संधी असेल. आंतरराष्ट्रीय ट्वेंटी-२०त सर्वाधिक षटकार मारण्याचा वर्ल्ड रेकॉर्ड सूर्यला खुणावतोय.
सूर्याने आंतरराष्ट्रीय ट्वेंटी-२०त आतापर्यंत १३३ षटकार ठोकले आहेत, तर दुसरीकडे ग्लेन मॅक्सवेल १३४ षटकारांसह आघाडीवर आहे. इंग्लंडच्या जॉस बटलरने ट्वेंटी-२०त १३७ षटकार खेचून अव्वल स्थान पटकावले आहे. सूर्याला ट्वेंटी-२०तील हा विक्रम स्वतःच्या नावावर करण्यासाठी मालिकेत ५ षटकार खेचावे लागतील. आज त्याने दोन षटकार खेचले, तर तो ग्लेन मॅक्सवेलला मागे टाकेल.
२७ जुलै - पहिली T20 - सायंकाळी ७ वा. पासून
२८ जुलै - दुसरी T20 - सायंकाळी ७ वा. पासून
३० जुलै - तिसरी T20 - सायंकाळी ७ वा. पासून
२ ऑगस्ट - पहिली वन डे - दुपारी २.३० वा. पासून
४ ऑगस्ट - दुसरी वन डे - दुपारी २.३० वा. पासून
७ ऑगस्ट - तिसरी वन डे - दुपारी २.३० वा. पासून
भारताची संभाव्य एकादश - शुभमन गिल, यशस्वी जैस्वाल, सूर्यकुमार यादव (कर्णधार), ऋषभ पंत, हार्दिक पंड्या, रिंकू सिंग/शिवम दुबे, वॉशिंग्टन सुंदर, अक्षर पटेल, रवी बिश्नोई, अर्शदीप सिंग, मोहम्मद सिराज.
श्रीलंकेची संभाव्य एकादश - पाथुम निसांका, अविष्का फर्नांडो, कुसल मेंडिस (विकेटकीपर), चारिथ असलंका (क), दासुन शनाका, कामिंदू मेंडिस, वानिंदू हसरंगा, महेश थेक्षाना, दिलशान मदुशंका, मथिशा पाथिराना, बिनुरा फर्नांडो.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
