सबस्क्राईब करा
India vs South Africa Women Test: भारत विरुद्ध दक्षिण आफ्रिका महिला संघात शुक्रवारपासून (२८ जून) कसोटी सामन्याला सुरुवात झाली आहे. या सामन्यात भारतीय संघाने मोठा विश्वविक्रम केला आहे. भारतीय संघाने दुसऱ्या दिवशी म्हणजे शनिवारी पहिला डाव ११५.१ षटकात ६ बाद ६०३ धावांवर घोषित केला.
त्यामुळे आता महिलांच्या कसोटी क्रिकेटमध्ये एका डावात सर्वोच्च धावसंख्या उभारण्याचा विश्वविक्रम भारतीय महिला संघाच्या नावावर झाला आहे. यापूर्वी हा विक्रम ऑस्ट्लिया महिला संघाच्या नावावर होता. त्यांनीही याचवर्षी फेब्रुवारीमध्ये दक्षिण आफ्रिका महिला संघाविरुद्धच ९ बाद ५७५ धावा उभारल्या होत्या.
दरम्यान, चेन्नईत सुरू असलेल्या कसोटी सामन्याबद्दल सांगायचे झाले, तर भारताने नाणेफेक जिंकून प्रथम फलंदाजी करण्याचा निर्णय घेतला होता. त्यानंतर भारताने ताबडतोड फलंदाजी करताना पहिल्याच दिवशी ५०० धावांचा टप्पा ओलांडला होता.
भारताकडून पहिल्या डावात शफाली वर्माने द्विशतक ठोकलं. तिने आक्रमक खेळी करताना १९७ चेंडूतच २३ चौकार आणि ८ षटकारांसह २०५ धावांची खेळी केली. तसेच स्मृती मानधनानेही शतक केलं. तिने १६१ चेंडूत २७ चौकार आणि १ षटकारासह १४९ धावांची खेळी केली.
याशिवाय जेमिमाह रोड्रिग्स, कर्णधार हरमनप्रीत कौर आणि ऋचा घोष यांनीही अर्धशतके केली. जेमिमाहने ९४ चेंडूत ५५ धावांची खेळी केली. तसेच हरमनप्रीतने ११५ चेंडूत ६९ धावा केल्या. तसेच ऋचाने ९० चेंडूत ८६ धावांची खेळी केली. त्यामुळे भारताला ६०० धावांचा टप्पा पार करता आला.
दक्षिण आफ्रिकेकडून डेलमी टकरने २ विकेट्स घेतल्या. तसेच नादिन डी क्लर्क, तुमी सेखुखुने आणि नॉनकुलुलेको एमलाबा यांनी प्रत्येकी १ विकेट घेतली.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
