India vs South Africa 1st T20I: भारताचा टी२० संघ सूर्यकुमार यादवच्या नेतृत्वात दक्षिण आफ्रिका दौऱ्यावर गेलेला आहे. या दौऱ्यातील टी२० मालिकेतील पहिल्याच सामन्यात दक्षिण आफ्रिकेला त्यांच्यात घरच्या मैदानात भारतीय संघाने पराभवाची धूळ चारली आहे.
डर्बनमधील किंग्समेड मैदानात झालेल्या पहिल्या टी२० सामन्यात भारताने ६१ धावांनी विजय मिळवला आणि चार सामन्यांच्या मालिकेत १-० अशी आघाडीही घेतली आहे. या सामन्यात संजू सॅमसनचं वादळी शतक पाहायला मिळालं, तर भारतीय गोलंदाजांनाही विशेषत: फिरकीपटूंनी चांगला मारा करत दक्षिण आफ्रिकेला अडचणीत आणले.
या सामन्यात भारताने दक्षिण आफ्रिकेला २०३ धावांचे लक्ष्य दिले होते. या लक्ष्याचा पाठलाग करताना दक्षिण आफ्रिकेला १७.५ षटकात सर्वबाद १४१ धावाच करता आल्या.