South Africa vs India 3rd T20I: भारतीय क्रिकेट संघाने दक्षिण आफ्रिकेविरुद्ध बुधवारी टी२० मालिकेतील तिसऱ्या सामन्यात ११ धावांनी विजय मिळवला. सेंच्युरियनमध्ये झालेल्या या सामन्यातील विजयामुळे भारताने चार सामन्यांचा टी२० मालिकेत २-१ अशी आघाडीही घेतली आहे. त्यामुळे भारताने मालिकेतील पराभव नक्की टाळला आहे. आता १५ नोव्हेंबरला होणारा चौथा सामना निर्णायक ठरणार आहे.
या सामन्यात भारताने दक्षिण आफ्रिकेला २२० धावांचे आव्हान दिले होते. या आव्हानाचा पाठलाग करताना दक्षिण आफ्रिकेला २० षटकात ७ बाद २०८ धावा करता आल्या.
भारताकडून तिलक वर्मा आणि अभिषेक शर्मा यांनी फलंदाजीत कमाल केली. त्यानंतर भारतीय गोलंदाजही चमकले. अखेरीस मार्को यान्सिनने वादळी अर्धशतक करताना भारताला दबावात टाकले होते. पण अखेर भारताने हा सामना जिंकला.