Shubman Gill 25th Birthday: भारताचा स्टार फलंदाज शुभमन गिलने कमी कालावधीत मोठा चाहता वर्ग बनवला आहे. त्याने काही शानदार खेळी करत अनेकांची मनं बऱ्याचदा जिंकलीत. आता नुकताच शुभमन गिलने रविवारी (८ सप्टेंबर) २५ वा वाढदिवस साजरा केला.
गिलच्या वाढदिवसाचे काही फोटो आणि व्हिडिओ सध्या व्हायरल होत आहेत. गिल सध्या दुलीप ट्रॉफी स्पर्धेनिमित्त बंगळुरूमध्ये आहे. त्यामुळे त्याने तिथेच त्याच्या काही मित्रांसह त्याचा वाढदिवस जल्लोषात साजरा केला. त्याने मित्रांसह जोरदार पार्टीही केली. यावेळी तो २५ व्या वाढदिवसाचा स्पेशल केकही कापताना दिसला.
