IPL 2025 Auction: इंडियन प्रीमियर लीगचा १८ वा हंगाम पुढीलवर्षी खेळवला जाणार आहे. परंतु, त्याआधी २४ आणि २५ डिसेंबर रोजी या हंगामासाठी मेगा ऑक्शन होणार आहे. या लिलावात सर्वच संघांना आपली संघबांधणी करायची आहे. त्यामुळे या लिलावाची उत्सुकता चाहत्यांबरोबच फ्रँचायझींमध्येही दिसून येत आहे.
फ्रँचायझी या लिलावाच्या तयारीलाही लागले आहेत. याचदरम्यान आता अशी माहिती मिळत आहे की आयपीएलमधील ५ वेळचा विजेचा संघ चेन्नई सुपर किंग्सने मुंबईच्या १७ वर्षीय खेळाडूला ट्रायल्ससाठी बोलावले आहे.
या खेळाडूचं नाव आयुष म्हात्रे असून काही दिवसांपूर्वीच त्याने मुंबईसाठी प्रथम श्रेणी क्रिकेटमध्ये पदार्पण केले आहे. टाइम्स ऑफ इंडियाने दिलेल्या वृत्तानुसार त्याला चेन्नई सुपर किंग्सकडून ट्रायल्ससाठी बोलावणे आले आहे.
