IPL 2025 Auction: इंडियन प्रीमियर लीग २०२५ स्पर्धेच्या मेगा लिलावाबाबतची उत्सुकता वाढत चालली आहे. यंदाच्या या लिलावात अनेक स्टार भारतीय खेळाडूंसह बरेच परदेशी खेळाडूही रिंगणात उतरणार आहेत. २४ आणि २५ नोव्हेंबर असा दोन दिवस सौदी अरेबियातील जेद्दाह येथे हा लिलाव होणार आहे.
या लिलावापूर्वी सर्व १० संघांनी मिळून ४६ खेळाडूंना संघात कायम ठेवले आहे. त्यामुळे १० संघांमध्ये मिळून जास्तीत जास्त २०४ खेळाडूंसाठी जागा शिल्लक आहे. यात ७० परदेशी खेळाडूंसाठी जाहा आहे. या २०४ खेळाडूंसाठी फ्रँचायझींकडे एकूण ६४१.५ कोटी रुपये शिल्लक आहेत.
