IPL 2025 Auction All Details: इंडियन प्रीमियर लीग २०२५ मेगा लिलाव सौदी अरेबियातील जेद्दाह येथे पार पडला. या लिलावातून सर्व संघांनी आपली संघबांधणी केली आहे.
या लिलावातून साधारण पुढील तीन हंगामाच्या दृष्टीने फ्रँचायझींनी संघ सज्ज करण्यासाठी प्रयत्न केले. त्यामुळे बऱ्याच युवा खेळाडूंवरही मोठी बोली लागल्याचे पाहायला मिळाले. अनेक खेळाडूंना १० कोटींहून अधिकची बोली लागली.
इतकेच नाही, तर ऋषभ पंतसाठी लखनौ सुपर जायंट्स संघाने २७ कोटींची बोली लावली, तर श्रेयस अय्यरसाठी पंजाब किंग्सने २६.७५ कोटी रुपयांची बोली लावली. कोलकाता नाईट रायडर्सने वेंकटेश अय्यरला संघात घेण्यासाठी २३.७५ कोटी रुपये मोजले. हे तिघेही आयपीएल लिलावातील सर्वात महागड्या खेळाडूंपैकी एक ठरले आहेत.
