James Anderson in IPL: क्रिकेटमधील दिग्गजांमध्ये येणारं एक नाव म्हणजे जेम्स अँडरसन. इंग्लंडच्या या दिग्गज गोलंदाजानं तब्बल दोन दशकं त्याच्या वेगवान गोलंदाजीने गाजवली आहेत. ४२ वर्षीय अँडरसनने जुलैमध्ये लॉर्ड्सवर अखेरचा कसोटी सामना खेळला. या सामन्यानतंर त्याने आंतरराष्ट्रीय क्रिकेटमधून निवृत्तीची घोषणा केली आहे.
मात्र असे असले तरी त्याची अद्याप क्रिकेट खेळण्याची भूक कमी झालेली नाही, त्यामुळे त्याने आता टी२० लीगमध्ये खेळण्याचा निर्णय घेतला असून त्याने आयपीएल २०२५ हंगामासाठी लिलावात नावही नोंदवले आहे.
