LSG IPL 2025 Retention Mumbai Indians : इंडियन प्रीमिअर लीग २०२५ साठी नोव्हेंबर महिन्यात मेगा ऑक्शन होण्याची शक्यता आहे. BCCI सप्टेंबर महिन्याच्या सुरुवातीला रिटेन्शन नियमांची घोषणा करणार आहे. सूत्रांनी दिलेल्या माहितीनुसार BCCI प्रत्येक फ्रँचायझींना किमान ६ खेळाडूंना ( RTM सह ) कायम राखण्याची परवानगी देणार आहे. पण, खेळाडूंना रिटेन करण्यासोबत प्रशिक्षक स्टाफमध्येही बदल पाहायला मिळत आहेत. गौतम गंभीरनंतर लखनौ सुपर जायंट्समधील त्याचे पद रिक्तच आहे.
लखनौ सुपर जायंट्सचे मालक संजीव गोएंका आणि कर्णधार लोकेश राहुल यांची कोलकाता येथे बैठक झाली. यामध्ये आगामी आयपीएलसाठी कोणत्या खेळाडूंना रिटेन केलं जाईल यावर चर्चा झाली. त्याचवेळी लोकेशने कर्णधारपदावर कायम राहण्याची इच्छा नसल्याचे गोएंका यांना सांगितल्याचे कळतेय. LSG लोकेशला फलंदाज म्हणून रिटेन करेल, तर कर्णधारपदाची माळ निकोलस पूरन किंवा कृणाल पांड्या यांच्यापैकी एकाच्या गळ्यात जाण्याची शक्यता आहे.
गौतम गंभीरने लखनौ सुपर जायंट्सचे मेंटॉरपद सोडले आणि कोलकाता नाइट रायडर्सचा मुख्य प्रशिक्षक झाला. त्यानंतर आता तो टीम इंडियाचा मुख्य प्रशिक्षक आहे. त्यामुळे LSG च्या ताफ्यात ही जागा रिक्त झाली आहे आणि त्यासाठी त्यांनी Mumbai Indians च्या मोठ्या खेळाडूची निवड केली आहे. आज संजीव गोएंका पत्रकार परिषदेत त्याबाबत घोषणा करण्याची शक्यता आहे.
LSG चा मेंटॉर म्हणून भारताचा माजी गोलंदाज झहीर खान याची निवड जवळपास पक्की झाली आहे. आयपीएल २०२४ पूर्वी त्याने KKR चे मुख्य प्रशिक्षकपद स्वीकारले. त्याच्या मार्गदर्शनाखाली कोलकाताने आयपीएल २०२४ चे जेतेपद पटकावले. आता तो टीम इंडियाचा मुख्य प्रशिक्षक आहे. झहीर खान २०१८ ते २०२२ या कालावधीत मुंबई इंडियन्ससोबत होता. आता तो मुंबई इंडियन्स फ्रँचायझीचा global development प्रमुख आहे. त्याने MI सह रॉयल चॅलेंजर्स बंगळुरू आणि दिल्ली डेअरडेव्हिल्सचेही प्रतिनिधित्व केले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
