IPL 2025 Retention Update: इंडियन प्रीमियर लीग २०२५ हंगामाचा लिलाव नोव्हेंबरच्या अखेरीस होईल, पण त्यापूर्वी ३१ ऑक्टोबर रोजी सर्व फ्रँचायझींना संघात कायम केलेल्या खेळाडूंची नावं जाहीर केली आहेत. यातही कोलकाता नाईट रायडर्सने संघात कायम केलेल्या ५ खेळाडूंची नावं पाहून अनेक क्रिकेट चाहत्यांना चकीत केले आहे.
कोलकाता नाईट रायडर्सने आयपीएल २०२४ स्पर्धेचे विजेतेपद श्रेयस अय्यरच्या नेतृत्वाखाली खेळताना जिंकले होते. मात्र आता कोलकाता श्रेयस अय्यरलाच लिलावापूर्वी संघातून बाहेर केले आहे. श्रेयस अय्यरला संघात करारमुक्त करण्याचा निर्णय कोलकाचा फ्रँचायझीने घेतला आहे.
श्रेयसच्या नेतृत्वाबाबत सांगायचे झाले, तर त्याचे आयपीएलमधील नेतृत्व आत्तापर्यंत चांगले राहिले आहे. त्याच्या नेतृत्वात २०१९ आणि २०२० साली दिल्ली कॅपिटल्सन प्लेऑफमध्ये प्रवेश केला होता. तसेच २०२० मध्ये अंतिम सामनाही खेळला होता.
