IPL Auction 2025 latest Live updates: इंडियन प्रीमिअर लीग २०२५ च्या मेगा ऑक्शनमध्ये डावपेच आखले गेले. प्रत्येक फ्रँचायझी खास रणनीती घेऊन लिलावाच्या टेबलसमोर बसले होते. त्यात अन्य फ्रँचायझीच्या खिशातील रक्कम कशी कमी होईल, याचाही समावेश होता. हा डाव दिल्ली कॅपिटल्सच्या चाणाक्याने अचूक टाकला. श्रेयस अय्यर हा आयपीएल २०२५ च्या या लिलावात सर्वाधिक बोली घेणारा पहिला खेळाडू ठरला होता. त्याची बोली वाढण्यात दिल्ली कॅपिटल्सच्या टेबलवर बसलेल्या किरण कुमार ग्रांधी यांचा खूप मोठा वाटा होता. त्यांच्या रणनीतीने अन्य फ्रँचायझींच्या खिशातील रक्कम कमी झाली.