IPL Auction 2025 Live Updates: इंडियन प्रीमियर लीग २०२५ लिलाव जेद्दाहमध्ये रविवारी सुरु झाला. पहिल्याच दिवशी अनेक स्टार खेळाडूंवर मोठ्या बोली लागल्या. रात्री ९ वाजेपर्यंत ४२ खेळाडूंवर बोली लागली आहे. तब्बल २० खेळाडूंना १० कोटींपेक्षा अधिक रक्कम मिळली आहे. यामध्ये इंग्लंडचा वेगवान गोलंदाज जोफ्रा आर्चर याचाही समावेश आहे.
जोफ्रा आर्चर आयपीएलमध्ये खेळणार की नाही, याची चर्चा सुरुवातीपासून होती. त्याला दुखापतीमुळे गेली २-३ वर्षे बराच काळ क्रिकेटपासून दूर रहावे लागले होते.
पण काही दिवसांपूर्वीच तो आयपीएल २०२५ मध्ये संपूर्ण आयपीएल हंगामासाठी उपलब्ध असणार असल्याचे कळाल्याने त्याचा समावेश आयपीएल लिलावातील खेळाडूंच्या अंतिम यादीत करण्यात आला होता.
