Indian Premier League 2025 Mega Auction: इंडियन प्रीमिअर लीग २०२५ साठी संघात कायम ठेवलेल्या खेळाडूंमध्ये हेनरिच क्लासेन हा सर्वाधिक महागडा ठरला आहे. या खेळाडूला २३ कोटी रुपये देऊन सनरायझर्स हैदराबादने आपल्या ताफ्यात कायम राखले. भारतीयांमध्ये विराट कोहली ( २१ कोटी) हा २० कोटींहून अधिक रक्कम घेणारा पहिला खेळाडू ठरला. रॉयल चॅलेंजर्स बंगळुरूने त्यांच्या स्टार खेळाडूला आपल्या ताफ्यात ठेवले आहे. १० फ्रँचायझींनी मिळून एकूण ४६ खेळाडूंना कायम ठेवले असून,एकूण ५५८.५ कोटी रुपये त्यासाठी खर्च केले. उर्वरित २०४ खेळाडूंसाठी फ्रँचायझींच्या पर्समध्ये ६४१.५ कोटीचं बजेट आहे. त्यामुळे आता कोणाचं नशीब फळफळतं याची सर्वांनाच उत्सुकता आहे.