IPL 2025: इंडियन प्रीमियर लीग 2025 साठी मेगा लिलाव नोव्हेंबरच्या अखेरीस किंवा डिसेंबरच्या सुरुवातीला होईल, असे भारतीय क्रिकेट नियामक मंडळ (BCCI) च्या सूत्रांनी बुधवारी सांगितले. काही दिवसांत बीसीसीआयकडून याबाबतचे नियम आणि कायदे जारी केले जातील. आयपीएलचे मेगा लिलाव गेल्या दहा वर्षांत तीनदा झाले असून त्यामध्ये चार वर्षांचे अंतर आहे. पहिला मेगा लिलाव 2014 मध्ये झाला होता, पुन्हा 2018 मध्ये. 2022 च्या हंगामापूर्वी मेगा लिलाव देखील आयोजित करण्यात आला होता.