IPL Player Retention 2024 - इंडियन प्रीमिअर लीग २०२५ च्या तयारीला आतापासून सुरुवात झाली आहे. BCCI रिटेन्शनबाबत लवकरच निर्णय जाहीर करणार आहे. हाती आलेल्या वृत्तानुसार बीसीसीआय पाच खेळाडूंना संघात कायम राखण्यास परवानगी देणार आहेत. त्यामुळे आयपीएल २०२५ मध्ये सर्व संघांमध्ये बरेच बदल पाहायला मिळणार आहे. अशात महेंद्रसिंग धोनीची शेवटची आयपीएल, रोहित शर्मा मुंबई इंडियन्सची साथ सोडणार, लोकेश राहुल RCB कडे येणार आदी अनेक चर्चा सुरू आहेत. ऋषभ पंत याच्या बाबतही चर्चा सुरू झाल्या आहेत की, तो CSK च्या ताफ्यात जातोय, RCBचे कर्णधारपद त्याला हवंय.. या चर्चांवर दिल्ली कॅपिटल्सच्या कर्णधाराने स्वतः ट्विट केलं आहे.
कार अपघातातून सावरल्यानंतर ऋषभ पंत आयपीएल २०२४ मध्ये मैदानात परतला आणि दिल्ली कॅपिटल्सचे कर्णधारपद स्वीकारले. मागील पर्वात त्याने १३ सामन्यांत ४४६ धावा केल्या. यामध्ये ८८ ही त्याची सर्वोत्तम धावसंख्या राहिली. त्याने ११ झेल व ५ स्टम्पिंगही केले. पण, आयपीएल २०२५ मध्ये चेन्नई सुपर किंग्स महेंद्रसिंग धोनीची रिप्लसमेंट शोधत असताना ऋषभ पंत त्यांच्याकडे जातोय अशी चर्चा रंगली होती. त्यात आता तो RCB कडून खेळेल अशी चर्चा रंगली.
ऋषभ पंतच्या मॅनेजरने या आठवड्याच्या सुरुवातीला RCB शी चर्चा केली. त्याने कर्णधारपदाची मागणी केली, परंतु RCB च्या संघ व्यवस्थापनाने त्याला नकार दिला. विराट कोहलीला ऋषभ पंत संघात नको आहे, कारण भारतीय संघात व DC मध्ये तो खूप राजकारण खेळतो, असे ट्विट व्हायरल झाले आहे.
ऋषभने ट्विट केलं की, ही खोटी बातमी आहे. सोशल मीडियावर तुम्ही अशा खोट्या बातम्या का पसरवता, हेच कळत नाही. हे खूप वाईट आहे. कोणतंही कारण नसताना वातावरण दुषित करू नका. हे असं प्रथमच घडत आहे असं नाही किंवा शेवटचं आहे असंही नाही. तुमचे सोकॉल्ड सूत्र जरा तपासून घ्या. हे अती होत चालले आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.