IPL 2025 Auction: इंडियन प्रीमियर लीग २०२५ स्पर्धेचा लिलाव होण्यापूर्वी गुरुवारी सर्व फ्रँचायझींनी संघात रिटेन केलेल्या खेळाडूंची नावं जाहीर केली आहेत. काही संघांनी यावेळी आश्चर्य चकीत करणारे निर्णय घेतले. अनेक संघांनी त्यांच्या कर्णधाराला संघाबाहेर केले. यामध्ये दिल्ली कॅपिटल्स संघाचाही भाग आहे.
दिल्ली कॅपिटल्सने कर्णधार ऋषभ पंतला करारमुक्त केले आहे. ऋषभ पंत गेल्या काही वर्षांपासून दिल्लीचा कर्णधार होता. तसेच २०१६ पासून या संघाकडून खेळत होता. परंतु आता दिल्लीने त्याला संघातून लिलावापूर्वी करारमुक्त करण्याचा निर्णय घेतला. त्यामुळे आता पंत यंदाच्या लिलावात दिसणार आहे.
