Pakistan Cricket Team: पाकिस्तान क्रिकेट संघासाठी कोणताच प्रशिक्षक गेल्या काही महिन्यांपासून टिकत नसल्याचे दिसून येत आहे. गेल्या वर्षभरात अनेक प्रशिक्षक पाकिस्तानने बदलले असून आता कसोटी प्रशिक्षक आणि प्रभारी वनडे आणि टी२० प्रशिक्षक जेसन गिलेस्पी यांनाही पाकिस्तान पदावरून हटवण्याच्या तयारीत आहे.
गिलेस्पीला काही महिन्यांपूर्वीच कसोटीचा मुख्य प्रशिक्षक म्हणून नेमण्यात आले होते. तसेच गेल्या महिन्यात त्याच्याकडे सध्या सुरू असलेल्या ऑस्ट्रेलिया दौऱ्यासाठी पाकिस्तानच्या वनडे आणि टी२० संघाच्या प्रशिक्षकपदाचीही जबाबदारी सोपवण्यात आली होती.
