Austarlia vs India 1st test: मागील १५ डावांमध्ये शतकापासून दूर राहिलेल्या विराट कोहलीने पर्थ कसोटीतील दुसऱ्या डावात नाबाद शतकी खेळी करीत भारतीय संघाच्या विजयात मोलाचा वाटा उचलला. या विजयानंतर या कसोटीत टीम इंडियाच्या कर्णधारपदाची भूमिका बजावलेल्या जसप्रीत बुमरा याने कोहलीच्या अनुभवाचे व फलंदाजीचे कौतुक केले.
याप्रसंगी बुमराने स्तुती करताना म्हटले की, मी याआधीही म्हटले होते की, कोहलीला आमची गरज नाही. आम्हाला त्याच्या अनमोल अनुभवाची आवश्‍यकता आहे. ऑस्ट्रेलियामध्ये तो चार ते पाच वेळा आला आहे. त्यामुळे त्याच्याकडे अमूल्य अशी अनुभवाची शिदोरी आहे.
