.jpg?w=480&auto=format%2Ccompress&fit=max)
Joe Root 34th Test Hundred: इंग्लंड विरुद्ध श्रीलंका संघात लॉर्ड्वर दुसरा कसोटी सामना सुरू आहे. या सामन्यात जो रुटने धमाकेदार खेळ केला आहे. त्याने पहिल्या डावात १४१ धावांची शतक केले होते. आता त्याने इंग्लंडच्या दुसऱ्या डावातही तिसऱ्या दिवशी (३१ ऑगस्ट) शतकी खेळी केली. त्यामुळे त्याने अनेक विक्रम आपल्या नावावर केले आहेत.
या सामन्यात इंग्लंडचा दुसरा डाव ५४.३ षटकात २५१ धावांवर संपुष्टात आला. या डावात रुटने दमदार खेळ करताना १२१ चेंडूत १०३ धावांची खेळी केली. या खेळीत त्याने १० चौकार ठोकले. त्याने ११ चेंडूतच त्याचे शतक पूर्ण केले होते.
त्याला लहिरु कुमाराने कामिंडू मेंडिसच्या हातून झेलबाद केले. त्याच्या विकेटसह इंग्लंडचा डावही संपला. इंग्लंडने पहिल्या डावात २३१ धावांची आघाडी घेतली होती. त्यामुळे दुसऱ्या डावातील २५१ धावांवर आता त्यांनी श्रीलंकेसमोर विजयासाठी ४८३ धावांचे लक्ष्य ठेवले आहे.
