Australia vs India Perth Test: शुक्रवारपासून (२२ नोव्हेंबर) ऑस्ट्रेलिया विरुद्ध भारत संघात कसोटी मालिकेतील पहिला सामना सुरू झाला आहे. पर्थमधील ऑप्टस स्टेडियम येथे हा सामना सामना सुरु असून पहिल्याच सत्रात भारताचे फलंदाज संघर्ष करताना दिसले आहेत. त्यातही चांगल्या लयीत दिसणाऱ्या केएल राहुलची विकेट चर्चेचा विषय ठरली.
या सामन्यात भारताचा प्रभारी कर्णधार जसप्रीत बुमराहने नाणेफेक जिंकून प्रथम फलंदाजी करण्याचा निर्णय घेतला होता. रोहित शर्माच्या अनुपस्थितीत यशस्वी जैस्वालसोबत सलामीला फलंदाजासाठी केएल राहुल मैदानात उतरला होता. पण सलामीवीर यशस्वी जैस्वाल ८ चेंडूत शुन्यावर बाद झाला.
