Lockie Ferguson hat-trick: रविवारी (१० नोव्हेंबर) न्यूझीलंडकडून लॉकी फर्ग्युसनने आंतरराष्ट्रीय टी२० क्रिकेटमध्ये पुनरागमन करत पराक्रम केला आहे. त्याला रविवारी श्रीलंकेविरुद्ध झालेल्या दुसऱ्या टी२० सामन्यात खेळण्याची संधी मिळाली.
या संधीचा फायदा घेत फर्ग्युसनने हॅट्रिक घेतली आणि न्यूझीलंडच्या विजयात मोलाचा वाटा उचलला. डंबुला येथे झालेल्या टी२० सामन्यात न्यूझीलंडने ५ धावांनी विजय मिळवला आणि श्रीलंकेविरुद्ध दोन सामन्यांच्या टी२० मालिकेत बरोबरी साधली. पहिला सामना श्रीलंकेने जिंकला होता.
दुसऱ्या सामन्यात न्यूझीलंडने श्रीलंकेसमोर १०९ धावांचे लक्ष्य ठेवले होते. या लक्ष्याचा पाठलाग करताना श्रीलंकेचा संघ १९.५ षटकात १०३ धावांवर सर्वबाद झाला.
