Mumbai Indians Squad IPL 2025: पाचवेळच्या विजेत्या मुंबई इंडियन्सला इंडियन प्रीमिअर लीगच्या मागील पर्वात काही खास कामगिरी करता आली नाही. त्यामुळे यंदाच्या पर्वात त्यांच्याकडून नव्याने संघबांधणी करून आयपीएलच्या पुढील पर्वासाठी तयारी करायची होती. त्यांनी रोहित शर्मा, हार्दिक पांड्या, सूर्यकुमार यादव, जसप्रीत बुमराह व तिलक वर्मा या पाच खेळाडूंना संघात लिलावापूर्वी कायम ठेवले. त्यानंतर उर्वरित जागा भरून काढण्यासाठी त्यांच्याकडून जोर लावला जाईल अशी अपेक्षा होती. पण, त्यांचा कारभार संथ दिसला. पण, दुसऱ्या दिवशी त्यांनी चांगला जोर लावला आणि तगडा संघ तयार केला.