Mohammad Shami Ranji Trophy Comeback: रणजी ट्रॉफी २०२४-२५ स्पर्धेतील पहिला टप्पा शनिवारी संपला. पहिल्या टप्प्यातील शेवटच्या फेरीतील सामन्यातून भारताचा अनुभवी वेगवान गोलंदाज मोहम्मद शमीने पुनरागमन केले.
शमी नोव्हेंबर २०२३ पासून स्पर्धात्मक क्रिकेटपासून दुखापतीमुळे दूर होता. त्याच्या टाचेवर शस्त्रक्रियाही करण्यात आली. त्यानंतरही त्याला गुडघ्याच्या दुखापतीचाही त्रास जाणवला होता. त्यामुळे त्याचे पुनरागमन लांबले. त्याची निवड आगामी ऑस्ट्रेलिया दौऱ्यासाठीही करण्यात आलेली नाही.
मात्र आता शमीने पुनरागमनाच्या सामन्यात दमदार कामगिरी करत त्याची दावेदारी ऑस्ट्रेलिया दौऱ्यासाठी ठोकली आहे. त्याने या सामन्यातून त्याची तंदुरुस्ती देखील सिद्ध केली.
