Mohammad Shami in Ranji Trophy: मोहम्मद शमीने त्याचे पुनरागमन गाजवले आहे. नोव्हेंबर २०२३ पासून जवळपास एक वर्षे शमी दुखापतीमुळे स्पर्धात्मक क्रिकेटपासून दूर होता. या काळात त्याला अनेक मोठ्या स्पर्धा आणि मालिकांना मुकावे लागले आहे.
त्याला अद्याप आगामी ऑस्ट्रेलिया दौऱ्यातील कसोटी मालिकेसाठीही संधी मिळालेली नाही. परंतु, आता त्याने रणजी ट्रॉफी २०२४-२५ स्पर्धेच्या पाचव्या फेरीतून स्पर्धात्मक क्रिकेटमध्ये पुनरागमन केले. इतकेच नाही, तर त्याने मध्य प्रदेशविरुद्ध पुनरागमनाचा सामना खेळताना गोलंदाजीबरोबर फलंदाजीतही छाप पाडली आहे.
त्यामुळे आता आगामी ऑस्ट्रेलिया दौऱ्यासाठी त्याचा बीसीसीआय भारतीय संघात समावेश करणार का, हे पहावे लागणार आहे.
