Mohammed Shami : 'हिंम्मत असेल तर...' सानिया मिर्झाशी लग्नाच्या अफवांवर संतापला शमी; म्हणाला की...

Mohammed Shami On Sania Mirza : अलीकडेच मोहम्मद शमी आणि सानिया मिर्झाच्या लग्नाची बरीच चर्चा रंगली होती. ज्यावर सानियाच्या वडिलांनी एनडीटीव्हीला दुजोरा दिला होता की, जे काही बातम्या सुरू आहेत ते पूर्णपणे मूर्खपणाचे आहेत. त्याचवेळी आता मोहम्मद शमीनेही या मुद्द्यावर प्रतिक्रिया दिली आहे.

सानिया मिर्झासोबत लग्नाच्या अफवांवर मोहम्मद शमीने एकाच्या पॉडकास्टवर सांगितले की, लोकांनी विचारपूर्वक मीम्स तयार केलं पाहिजे कारण तो एखाद्यासाठी विनोद असू शकतो, पण तो कोणाच्या तरी आयुष्याशी संबंध आहे. शमीने अशा अफवा पसरवणाऱ्यांना आव्हान दिले की, हिंमत असेल तर त्यांनी व्हेरिफाईड पेजवरून असे काहीतरी करून दाखवावे.

सानिया मिर्झा आणि मोहम्मद शमी लग्न करणार असल्याची बातमी भारतीय वेगवान गोलंदाजाला कशी कळली? या प्रश्नाचे उत्तर देताना शमी म्हणाला, काही नाही, फोन उघडला तर तुमचाच फोटो दिसतो, त्याचे काय करणार? हे पूर्णपणे विचित्र होते. मी समजू शकतो की मीम्स मनोरंजनासाठी बनवले जातात, परंतु ते योग्य विचाराने केले जाणे आवश्यक आहे कारण कोणाचा तरी जीवन याच्याशी निगडीत आहे.

शमी पुढे म्हणाला की, “आज तुम्ही व्हेरिफाईड पेज नाही, तुमचा पत्ता माहीत नाही, तुमची माहिती माहीत नाही, त्यामुळे तुम्ही काही बोलू शकता. मला या व्यासपीठावर एकच सांगायचे आहे की तुमच्यात हिंम्मत असेल तर व्हेरिफाईड पेजवरून बोलून दाखवा. मग आम्ही तुम्हाला सांगू की तुम्ही किती पाण्यात उभे आहात.”

शेवटी तो म्हणाला की, दुसऱ्याचा पाय ओढणे किंवा दुसऱ्याला खड्ड्यात ढकलणे खूप सोपे आहे. काही यश दाखवा. तुमची पातळी थोडी वाढवा. तुमच्या कुटुंबाला तुमचा पाठिंबा दर्शवा. या चार लोकांचे भविष्य चांगले करा. मग मी मान्य करेन की तू एक चांगला माणूस आहेस.