Hardik Pandya and Natasa Stankovic divorce : गेल्या काही दिवसांपासून सोशल मीडियावर हार्दिक पांड्या आणि नताशा स्टॅनकोविच यांच्या घटस्फोटाच्या अफवा पसरत आहेत. मात्र, या संदर्भात अद्याप दोन्ही बाजूंनी कोणतेही वक्तव्य आलेले नाही. पण काही दिवसांपूर्वी नताशाने क्रुणाल पांड्याच्या सोशल मीडिया पोस्टवर सकारात्मक प्रतिक्रिया दिली होती आणि ती अजूनही पांड्या कुटुंबाशी जोडलेली असल्याचे संकेत दिले होते.
दरम्यान, नताशाने तिच्या अधिकृत इंस्टाग्राम अकाऊंटवर आणखी एक रहस्यमय स्टोरी शेअर केली आहे, ज्यामध्ये नताशा एका गाडीतून रोडवरून जात आहे. आणि तिने काही इमोजीसह लिहिले की, देवाची प्रार्थना करा.
हार्दिक आणि नताशाने २०२० मध्ये लग्न केले होते. मात्र, त्यावेळी दोघांनाही कोविडमुळे एकदम साध्या पद्धतीने लग्न केले होते. म्हणूनच हार्दिक-नताशाने गेल्या वर्षी उदयपूरमध्ये त्यांच्या लग्नाचा भव्य सोहळा साजरा केला, ज्यामध्ये क्रिकेट जगतातील अनेक दिग्गज आणि बॉलिवूड सेलिब्रिटींनीही सहभाग घेतला होता. या जोडप्याला अगत्स्य नावाचा तीन वर्षांचा मुलगाही आहे.
पण सोशल मीडियावर पसरलेल्या बातम्यांमध्ये असेही म्हटले गेले आहे की, जर हार्दिकने नताशाला घटस्फोट दिला तर त्याला त्याच्या संपत्तीतील 70 टक्के रक्कम पत्नीला द्यावी लागेल. मात्र, हार्दिक आणि नताशा यांनी आतापर्यंत या अफवांवर मौन बाळगले आहे.
क्रिकेटबद्दल बोलायचे झाले तर, हार्दिक न्यू यॉर्कमध्ये टीम इंडियाच्या संघात सामील झालेला आहे. हार्दिकची अलीकडची कामगिरी काही काळापासून खराब राहिली आहे. त्याच्या नेतृत्वाखाली मुंबई इंडियन्सला आयपीएल 2024 मध्ये प्लेऑफच्या शर्यतीतून बाहेर पडावे लागले. त्याचबरोबर फलंदाजी आणि गोलंदाजीमध्येही हार्दिकची कामगिरी विशेष नव्हती.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
