India vs New Zealand Mumbai Test: न्यूझीलंड संघासाठी यंदाचा भारत दौरा ऐतिहासिक ठरला आहे. त्यांनी भारतात ३६ वर्षांनंतर कसोटी सामना तर जिंकताच, पण याबरोबरच त्यांनी भारतात पहिल्यांदाच कसोटी मालिका जिंकली.
भारताविरुद्ध चालू असलेल्या कसोटी मालिकेतील पहिला सामना न्यूझीलंडने ८ विकेट्सने बंगळुरू येथे जिंकला. त्यानंतर पुण्यात झालेल्या दुसऱ्या कसोटीत न्यूझीलंडने ११३ धावांनी विजय मिळवला आणि मालिकाही खिशात घातली.
आता न्यूझीलंडला भारतीय संघाला व्हाईटवॉश देण्याची संधी आहे. तिसरा सामना मुंबईच्या वानखेडे स्टेडियमवर ऐन दिवाळीत १ नोव्हेंबरपासून सुरू होत आहे.
