ICC Women's T20 World Cup 2024 Final, NZ vs SA: महिला टी२० वर्ल्ड कप २०२४ स्पर्धेच्या ट्रॉफीवर न्यूझीलंड संघाने नाव कोरले आहे. त्यामुळे महिला टी२० वर्ल्ड कप स्पर्धेला न्यूझीलंडच्या रुपात नवा विजेता मिळाला आहे. न्यूझीलंड महिला संघाने अंतिम सामन्यात दक्षिण आफ्रिका महिला संघाला ३२ धावांनी पराभवाचा धक्का दिला.
दक्षिण आफ्रिकेसाठी ५ महिन्यातील हा टी२० वर्ल्ड कपच्या अंतिम सामन्यातील दुसरा पराभव आहे. महिला संघापूर्वी दक्षिण आफ्रिकेचा पुरुष संघ जून महिन्याच्या अखेरीस पुरुष टी२० वर्ल्ड कप २०२४ स्पर्धेच्या अंतिम सामन्यात भारताविरुद्ध पराभूत झाला होता. त्यामुळे ५ महिन्यांच्या अंतरात दोनदा दक्षिण आफ्रिकेची टी२० वर्ल्ड कप जिंकण्याची संधी हुकली आहे.
तथापि, रविवारचा दिवस न्यूझीलंड क्रिकेटसाठी खास ठरला आहे. याचदिवशी सकाळी पुरुष संघाने भारताला ३६ वर्षांनी मायदेशात कसोटी सामन्यात पराभूक केले, तर रात्री महिला संघाने विश्वविजयावर नाव कोरले आहे.