Pakistan vs Engalnd test series: पाकिस्तानमधील मुल्तान येथे ७ ऑक्टोबरपासून सुरू होणाऱ्या इंग्लंडविरुद्धच्या पहिल्या कसोटीसाठी पाकिस्तानने १५ सदस्यीय संघाची घोषणा केली आहे. कर्णधार पदाची धुरा शान मसूदकडे कायम असून ३७ वर्षीय अनुभवी फिरकीपटूला संघात आमंत्रण दिले गेले आहे.
पुढील महिन्यात सुरु होणाऱ्या इंग्लंडविरुद्ध जागतीक कसोटी अजिंक्यपद स्पर्धेतील पहिल्या सामन्यासाठी पाकिस्तानने डावखुरा फिरकी गोलंदाज नोमान अलीचा संघात समावेश केला आहे.
२०२३ मध्ये शेवटची कसोटी खेळणारा ३७ वर्षीय अली, दुखापतग्रस्त वेगवान गोलंदाज खुर्रम शाहजादच्या जागी खेळणार आहे. त्याने पाकिस्तानसाठी १५ कसोटी सामने खेळले असून ४७ विकेट्स घेतले आहेत. श्रीलंकेविरुद्ध आपल्या शेवटच्या कसोटी सामन्यात अलीने ७० धावांत ७ बळी घेतले होते.
बांगलादेशविरूद्धची मालिका पाकिस्तानने ३-० ने गमवल्यानंतर जागतीक कसोटी अजिंक्यपद स्पर्धेच्या क्रमवारीत पाकिस्तान आठव्या स्थानी आहे. पाकिस्तानला घरच्या मैदानात मागच्या १० कसोटी मालिकांपैकी एकही कसोटी मालिका जिंकता आलेली नाही. ज्यामध्ये २०२२ मध्ये इंग्लंडकडून ३-० पराभूत झालेल्या मालिकेचाही समावेश आहे.
शान मसूद (कर्णधार), साऊद शकील (उपकर्णधार), आमिर जमाल, अब्दुल्ला शफीक, अबरार अहमद, बाबर आझम, मीर हमजा, मोहम्मद हुरैरा, मोहम्मद रिझवान (यष्टीरक्षक), नसीम शाह, नोमान अली, सईम अयुब, सलमान अली अघा, सर्फराज अहमद (यष्टीरक्षक), शाहीन शाह आफ्रिदी.
बेन स्टोक्स (कर्णधार), रेहान अहमद, गस ॲटकिंन्सन, शोएब बशीर, हॅरी ब्रूक, ब्रायडन कार्स, जॉर्डन कॉक्स, झॅक क्रॉली, बेन डकेट, जोश हल, जॅक लीच, ऑली पोप, मॅथ्यू पॉट्स, जो रूट , जेमी स्मिथ, ऑली स्टोन, ख्रिस वोक्स
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.