Western Australia vs Tasmania : भारताविरुद्धच्या बॉर्डर गावस्कर ट्रॉफीसाठी ऑस्ट्रेलियन संघ सज्ज होत आहे. त्यासाठी काही खेळाडू देशांतर्गत क्रिकेट स्पर्धांमध्ये सराव व्हावा म्हणून खेळत आहेत. पण, प्रत्येकाचा सराव चांगला होईलच असे नाही. ऑस्ट्रेलियात सुरू असलेल्या One-Day Cup स्पर्धेत ऑस्ट्रेलियन फलंदाजांची हाराकिरी पाहायला मिळाली. २ बाद ५२ अशा अवस्थेतून वेस्टर्न ऑस्ट्रेलियाचा संघ ५३ धावांवर ऑल आऊट झाला. बिली स्टँकलेकने ३ आणि बीयू वेबस्टरने ६ विकेट्स घेताना तस्मानिया संघाला मजबूत स्थितीत आणले.