Pakistan set target of 185 runs for Bangladesh: पाकिस्तान विरुद्ध बांगलादेश संघात रावळपिंडी येथे कसोटी मालिकेतील दुसरा सामना सुरू आहे. या सामन्यात पाकिस्तानचा दुसरा डाव ४६.४ षटकात १७२ धावांवर संपुष्टात आला. पण पहिल्या डावातील १२ धावांच्या आघाडीमुळे त्यांनी बांगलादेशसमोर १८५ धावांचे आव्हान ठेवले आहे.
या सामन्यात सुरुवातीला पाकिस्तानने वर्चस्व राखले होते, परंतु बांगलादेशने केलेल्या पुनरागमनामुळे ते पुन्हा बॅकफूटवर पडले आहेत. मालिकेतील पहिल्या सामन्यात बांगलादेशने पाकिस्तानला १० विकेट्सने पराभूत केले होते. त्यानंतर आता जर बांगलादेशने दुसऱ्या कसोटीतही विजय मिळवला, तर ते पाकिस्तानविरुद्ध पहिल्यांदाच कसोटी मालिका जिंकतील.